Se su pola kukurize puna. Se se latri od žmekoče i kiše i vetra do zemle prigiboju. Če čez pole prejdeš kukurizinje same puca. Treba iti napole i kukurizu pobrati.  Glove svezati, štrajngami za nager povezati.

Deske deti na kola ak kukuriza nebu putem curela po ceste. Srpem se najprije po sredine redom pobere i poseče da tud kola moreju prejti i da se kukuriza ne pogazi. Po redu se bere i u košare nameče onda se z košarami na hrpu nosi odkud se posle u kola hiče. Puna kola kukurize još z deskami pojdbita voze se domomi.

Stogel se se sipa i navečer budu došli susedi i prijateli i onda se bu trebile. Če pri hiže kakva lepa dela tu vam više kukurize zo sela trebit dojde. Domačin vam bu točil vine a mladi vam rad imaju kuvanoga mošta. Babica bu primesila pečenoga štrudlina z jabukami ili buftline ili nekve druge domače kolače. Deca se celu veče po perušine valaju.

No, ne teške trebiti kukurizu, ali je bogme zate žmehne u leči na nojze ili u kukuriznah. I šala i pesma još traje, posel pomale za te dan ide kraju.

I su razišli, dečki su unaput deklem kuševec dali, sastanek zu zutra zakazali.

                                                                                                      Nevenka Remenar